TIB.UZ
Дориларни излаш (Поиск лекарств)
Регион: Ташкент, все

Бўғимларга ёрдам

Бўғим касалликларига чалинган беморлар витаминлар ва микроэлементларга бой маҳсулотларни истеъмол қилишлари керак. Шовул ва исмалоқ, дуккаклилар, колбаса маҳсулотлари, қовурилган овқатлардан ти­йилган маъқул. Дудланган маҳсулотлар ва спиртли ичимликлар мумкин эмас. Артрит ва подагра билан оғрийдиган беморлар тузни камроқ истеъмол қилишсин. Овқатни кам-камдан тез-тез – кунига 5 мартача еган яхши, шунда озиқавий моддаларнинг танага сингиши осон кечади.

Олимларнинг айтишича, артритда сариқ ва тўқ сариқ тусдаги мева ҳамда сабзавотлар (уларда антиоксидантлар кўп бўлади), шунингдек, С витаминига бой маҳсулотлар яхши ёрдам беради. Масалан, цитрус мевалар, булғор қалампири, картошка суви, олма ва унинг шарбати. Бундай маҳсулотлар кишининг озишига ёрдам беради, чунки бўғим касалликларида бўғимларга ортиқча юк тушмагани яхши. Лекин аллергияга сабаб бўлувчи маҳсулотларни ишлатиш керак эмас.

Подаграга учраган беморлар нордон мевалар, сабзавотлардан картошка, сабзи, қизилча, бодринг ва пиёз еб турсинлар.

Сабзи, сельдерей, карам сувларига томат шарбатини аралаштириб, ичиб туриш керак.

Маслаҳатлар

– Бўғимларда оғриқ пайдо бўлиши билан дарҳол мутахассис шифокор – ревматологга учранг.

– Доимо жисмоний машқлар қилиб туриш, яъни зарарланган бўғимларни тўла ишга солиш касаллик ривожланишининг олдини олади.

– Шифокор рухсатисиз турли суртма (маз)лардан фойдаланиш мумкин эмас.

– Соф, биологик фаол моддаларни истеъмол қилинг, улар бўғимларнинг ўз ҳолига қайтишига ёрдам беради.

– Совуқ, зах хонада ўтирманг, об-ҳавога қараб кийининг, қаттиқ совқотишдан ўзингизни асранг.

– Ортиқча вазн ҳам кўпинча артритга сабаб бўлишини унутманг.

– Чекманг! Тамаки чеккан пайтда томирлар тораяди, артритда эса бўғим тўқималарининг озиқланиши ва қоннинг микроциркуляцияси бузилган бўлади, демак, чекиш орқали бу касалликни янада ривожлантирасиз.

– Очиқ ҳавода сайр қилиш, мириқиб ухлаш, витаминга бой таомлар истеъмол қилиш ҳам даволаш мажмуига киради.

Диққат! Уй шароитида бирор муолажани қўллашдан олдин, албатта, шифокор билан маслаҳатлашинг.

ИЗОҲ ҚОЛДИРИНГ

E-mail ингиз хеч қаерда нашр қилинмайди

© 2018 Сайт материалларидан фойдаланишда tib.uz кўрсатилиши шарт.

Уй шароитида бирор муолажани қўллашдан аввал мутахассис шифокор билан маслаҳатлашишни унутманг!